san's profileMy Story...My WorldPhotosBlogListsMore  |  Tools Help |
|
7/22/2009 開心嘅日子過得太快啦一個半月好快就過咗,
開開心心, 無憂無慮, 日日睇電視睇到三更半夜, 訓到點幾兩點,起身就諗下食咩lunch, 去邊度shopping.
係澳門嘅個半月就係咁過, 可以話我過得好頹廢, 但我覺得係享受人生呀!
過完幾年辛辛苦苦嘅返工返學日子之後, 俾自己放返個大假, 人總係要識得對自己好,
人生仲有幾十年要過, 唔使咁急去憂柴憂米呀.
返工嘅時候我會認認真真, 玩嘅時候我會盡情咁玩. 我就係咁嘅style.
3/27/2009 回復寫blog的日子生活開始平靜下來, 終於可以寫寫blog, 約好耐冇見嘅朋友傾下計.
尋日執嘢搵返一啲啱啱黎美國嘅時候朋友寄俾我嘅信, 自己一邊睇一邊笑.
有啲係佢地上堂無聊寫俾我, 當佢地有好多堂都好無聊, 就會寫幾封信一齊寄. 多數係 DADA 同亞素.
亞芯有一封信全封都係嘢食, 寫曬我地以前鐘意食嘅嘢同舖頭名, 企圖用食物引我返去, 我當時一定好可憐, 有得睇冇得食.
除此之外, 我地仲會傾下學業問題, 感情問題, 有時佢地會篤下我以前男友背脊,都幾搞笑.
又會交換 icq, 依家都冇人用啦.
我地以前初中真係好鍾意寫信, 就算係隔離班都會寫封信落堂交換, 講下是非同無聊嘢.
當黎到美國人生路不熟嘅時候收到你地嘅信, 好開心, 有種好熟悉嘅感覺, 好難形容, 好似仲係喺澳門同你地一齊生活咁.
你地嘅信係我嘅精神support, 我真係好開心識到你地一班朋友.
好想快啲返黎同你地一齊行街, 食嘢, 上大陸, 等我... 3/4/2009 嘗試習慣婚禮已經過咗兩個月, 一切都回復平淡. 同老公屋企人相處幾好, 佢地都對我好nice^_^
依家日日返車行, 喺 elementary school 一星期做兩日 intern, 生活都好充實.
已經慢慢習慣咗車行嘅工作環境, 由最初嘅討厭, 變成接受.
我今年summer 就畢業, 之後會返澳門玩, 好期待^_^
今次老公唔會同我一齊返, 因為佢要幫我老豆睇住間車行, 等我可以喺澳門盡情玩.
發覺老公對我真係好好!
1/27/2009 Mrs. Wu's Bolg過去嘅幾個星期衝衝忙忙咁就過咗, 直至上星期婚禮完咗之後先鬆咗口氣,
跟住第二日就飛咗去 Cancun Honeymoon.
返黎之後用咗兩日時間執嘢, 直至依家先有時間寫bolg, 講下婚禮嗰日嘅情況.
JAN 10, 2009
之前嗰晚喺church彩排同佈置, 同成班兄弟姊妹伴娘伴郎忙到11點先走.
我同老公都冇理到結婚之前一日唔可以見面之類嘅嘢, 仲差唔多見足成日.
之後有啲姊妹去我屋企過夜, 因為佢地要兩點鍾起身開始set頭化妝, 我就4點先起身, 因為我係最後一個set頭化妝. 辛苦曬姊妹們!
原本7點前要接到新娘, 但老公嘅舅母遲到, 佢地7點先到我屋企, 但老公同班兄弟都好合作, 有玩到用嘴傳提子同做push up. 我同伴娘係房入面好想偷睇. 佢地最後要舅母講大話叫啲姊妹開門俾佢入, 先接到新娘.
斛茶俾我爸爸同嫲嫲嘅時候好驚佢地會喊, 佢地兩個最唔捨得我嫁. 好彩成個過程個個都開開心心.
之後去到老公屋企又斛茶, 姊妹們幫我戴金器, 之後入房換婚妙又要除金器, 每次都要十幾分鐘.
下一場就係church行禮, 我地揀咗首歌叫"全因為袮". 全部人一齊唱, 好感動. 我同幾個姊妹都感動到喊.
首歌好touch, 內容係講神嘅恩典係無時無刻都與我們同在, 無論在人生的每一個階段, 在風光或失落嘅時候, 佢嘅愛都無離開過, 佢依然係我地隨時嘅依靠.
首歌唱完嘅時候心情已經平伏返.到咗交換戒指嘅時候伴郎好搞笑, 佢係個衫袋摷咗好耐先搵到隻戒指. 之後就點同心燭&接受牧師嘅祝福.
婚禮完咗之後已經下晝一點,跟住落黎係影外景相. 班兄弟姊妹都未有機會食lunch,就要去Lincoln Park 影相. 影完集體相之後班兄弟姊妹去食嘢同休息一下, 可憐嘅伴娘伴郎就要陪我地繼續影埋其他兩個景.好彩嗰日唔係太凍. 我地結婚之前幾日都落雨, 感謝神俾咗我地一個超級好天嘅天氣.
影相影到5點, 成個人都好攰. 伴娘伴郎已經攰到係車上面等. 我同老公因為有`精神食量, 所以幾辛苦都撐埋佢.
終於到咗最後一站-- 酒樓!
我地去到嘅時侯啲兄弟姊妹已經一早到咗set up緊, 我係度走黎走去忙咗一陣就去咗set頭補妝. 之後同老公一齊企定定做人肉佈景版俾人影相.
婚宴準時7點開席, MC 係Tammy& Henry. 一開始食咗少少嘢, 之後同老公合唱咗首"小酒窩" 就換衫敬酒, 姊妹們極迅速幫我戴金器.
為咗避免出醜, 我以茶代酒成功過骨, 老公反而俾同事捉住飲咗幾杯, 好彩冇醉.
敬完酒即刻換晚裝切蛋糕, 個蛋糕比我預期中靚, 用紫色花裝飾.
切完蛋糕終於可以坐底食嘢, 食咗少少又到玩遊戲嘅時間, 玩啲game都幾搞笑.
玩完game已經9點, 姊妹們開始派FAVOR, 係南瓜車蠟燭&紫色絲帶.
佢地派到一半, 我同老公就要送客.
當啲人走到七七八八之後, 心情開始輕鬆啲, 最後係同親戚同好熟嘅朋友影相.
到咗10點幾就CLEAN UP離開酒樓返屋企.
返到去之後沖涼洗頭用咗成個鐘, 個妝同啲hair gel洗咗好耐先洗得甩
沖完涼舒舒服服同老公開餐, 食曬成個頂層結婚蛋糕. 忙咗20個鐘之後咩都食得落.
有好多人話冇一個婚禮會perfect, 叫我唔駛咁緊張.
但我覺得我個婚禮係好perfect, 我想要嘅嘢都有, 想做嘅都做齊.
神俾咗我全日好好嘅天氣, 有好多好朋友幫手, 又得到好多人嘅祝福.
最重要嘅係神俾咗一個基督徒嘅老公我.
我覺得我真係太幸福, 我擁有嘅太多.神真係叫我冇缺乏, 凡我向佢求, 佢都會賜俾我, 我所得到嘅甚至比我所求嘅多.
婚禮之後嗰日嘅夜晚, 我同老公就飛咗去CANCUN honeymoon.
個honeymoon 係好sweet 同好好玩.
返咗黎一個星期就開學, 所有嘢都回復平靜, 唯一唔同嘅係新年要派利是^_^
結咗婚之後嘅生活都幾開心, 日日返到屋企都見到老公, 又有多一個爸爸媽媽.
so far 我都係一個幸福嘅伍太 ^_^
11/10/2008 Madagascar 2 !!!星期四
我同傻佬嘅 5th anniversary ^_^
兩個人成日都唔得閒, 只係夜晚去咗食日本餐, 好好味, 但好貴...不太合乎依家嘅經濟情況.
星期五
同傻佬兩個人去睇 Madagascar 2 ^_^ , 第一日上畫但都唔係好多人, 可能太夜啦...
我地好耐都冇兩個人行街拍拖喇, 成日都係一班人一齊出街食飯, 間唔中 二人世界都幾 sweet 嘅 ^_^ 5/19/2008 還能靠誰?當天災人禍不斷地發生, 人的能力就越顯得渺小, 權力和財富都變得不可靠.
當災難發生, 人的錢和權可以永存嗎? 可以救自己和親人嗎?
當人的力量都不可靠的時候, 人可以靠誰呢?
只能靠神吧!
不是信神的人可以避過災難,逢凶化吉;
而是靠神的人永遠都有盼望, 因為我們知道誰掌管明天. 5/5/2008 即興!!!上個月嘅某日, TT 要去 UCD meeting, 我即興病發作, 想離開一下SF. 但佢去 meeting, 我上去有咩做呢?!
好順其自然地諗起Davis讀嘅winne. 咁啱佢又係無所是事, 兩個無聊人就去咗行 街影相. 感受一下 Davis 超級 relaxing 嘅生活.
果然通街人都好似唔使做咁, 坐係街度飲嘢吹水. 啲小朋友仲完埋水 tim. 得閒離開下繁忙嘅城市都幾好!
傻佬complain 我啲即興病越來越嚴重, 以前只會即興去下 SF 附近嘅地方, 例如 Great Mall, Gilory outlet. 但依家去到 UCD,
佢知道唔使陪我去之後超開心, 因為唔使揸車同埋佢去到唔知做咩. 其實佢唔應該咁開心, 下次我可能即興去 LA... 3/10/2008 好靚嘅一張相^_^喺一個朋友嘅 space 度見到呢張相, 好好好鍾意!
自己成日都好想睇到好似張相入面嗰種感覺嘅日落. 好感動, 好舒服, 靚到有啲想喊嘅感覺.
張相應該唔係喺市區影, 有少少鄉下 feel, 好relax,無憂無慮 ^_^
係嗰度住嘅人日日都可以睇到咁靚嘅日落, 係一種幸福!
3/6/2008 轉遞： 珍惜的朋友收到了這個email,想分享一下 ^_^
親愛的朋友們:
這週是世界好友週，如果你願意，請把這條信息發給你所有的好朋友，也包括
我。看有多少人會回發給你。當大部分人都在關注你飛得高不高時，只有少部分人
關心你飛得累不累--這就是友情，再忙也要照顧好自己，朋友雖不常聯繫卻一直惦
念，天涼記得多穿衣！世界好友週快樂！
少喝奶茶，不吃剛烤的麵包，遠離充電電源；白天多喝水，晚上少喝；一天不喝多
於兩杯咖啡，少吃油多的食物；最佳睡眠為晚上十點至早上六點；晚上五點後少吃
大餐，每天喝酒不超過一杯；不用冷水服膠囊，睡前半小時服藥忌立刻躺下。睡眠
不足八小時人會變笨，有午睡習慣的人不易老。手機電池剩一格時不要打電話，剩
一格時輻射是平時的一千倍，還要記得用左耳接電話，用右耳會直接傷害到大腦。
看到了 就轉發給每一個你珍惜的 朋友
2/19/2008 Valentine's Day 2008今年情人節最忙, 我要返學, 傻佬又要返工.
當日嘅唯一節目就係食飯, 去咗 Fishmen's Wharf Fog Harbor, 係 Italian Seafood. OK 好味.
收到禮物, 係swarovski 天使頸鏈, 好鍾意 ^_^
自己都大出血, 買咗隻 guess 手婊俾傻佬, 見佢咁開心, 無所謂啦.
今年 valentine's day 係好簡單, 但好開心. 2/13/2008 New Year Update新一年新開始 ^_^ 從上年開始就想每年開始做一樣有意義嘅事.
上年助養咗個女, 今年開始去捐血.
雖然我好怕打針, 而且捐血又真係比抽血痛好多, 但開咗頭就唔想縮沙, 希望我有勇氣堅持啦!
upload 咗D平時用電話影嘅相 ^_^
有我第一次 design 嘅結婚蛋糕...
(我表哥上個月結婚, 唔知點解個蛋糕只係三層白色嘅純蛋糕加 cream, 唯有即刻攞花裝飾啦) 1/19/2008 10 句讓你心有所感的話有朋友 email 咗哩十句說話俾我, 自己幾鍾意, 所以 post 上 space ^_^
01. 沒有一百分的另一半，只有五十分的兩個人。 02. 付出真心，才會得到真心，卻也可能傷得徹底；保持距離，就能保護自己，卻也註定永遠寂寞。 03. 通常願意留下來跟你爭吵的人，才是真正愛你的人。 04. 有時候，不是對方不在乎你，而是你把對方看得太重。 05. 冷漠，有時候並不是無情，只是一種避免被傷害的工具。 06. 如果我們之間有1000步的距離，你只要跨出第1步，我就會朝你的方向走其餘的999步。 07. 為你的難過而快樂的，是敵人；為你的快樂而快樂的，是朋友；為你的難過而難過的，就是那些，該放進心裡的人。 08. 就算是believe，中間也藏了一個lie。 09. 真正的好朋友，並不是在一起就有聊不完的話題；而是在一起，就算不說話，也不會感到尷尬。
10. 朋友就是! 把你看透了，還能喜歡你的人。 1/15/2008 Merry Christams & Happy New Year!sorry la, 好耐冇update個space, 因為太忙啦, 所以咁遲先同大家講 HAPPY 2008 ^_^
放假呢段時間生活過得好充實, 首先 Christmas 之前同教會去咗 Lake Taheo, 係好靚嘅湖邊同雪景底下感受神嘅恩典.
返嚟之後行程主要圍繞住 shopping 同食, 一個星期打咗兩次邊爐, 仲有約咗啲平時冇咩機會見嘅舊朋友出嚟傾下計.
呢種優遊自在嘅生活係上個星期結束咗, 因為開始係教會嘅 preschool 返工, 日日朝八晚五, 同啲小朋友搏鬥, 真係幾攰....
下個星期又開學啦, 開心嘅日子過得真係快....
開心嘅假期就喺過分虛渡同埋過分充實嘅日子下渡過...
11/10/2007 Our 4th Anniversary!!!Nov 6, 2007
唔經唔覺已經一齊咗4年, 好難得 ^_^
每一年紀念日我地都會plan定去邊, 過得好sweet,今年都唔例外.
嗰日一早起身整蛋糕, 一個心型嘅栗子蛋糕. 之後偷偷地攞去傻佬屋企個雪櫃. 佢放工之後發現咗個蛋糕, 超開心.
夜晚我地去咗 Stinky Rose 食全海鮮餐, 叫咗蕃茄海鮮湯, 鐵板蝦&青口, 同蜆湯. 我好鍾意個蜆湯, 啲蜆好新鮮同埋個湯係綠色濃湯, 好特別又好好味^_^,叫咗三樣嘢已經食到好飽,樣樣都好好味.氣氛又好, 成個feel都好正, 埋單唔使80蚊. 係一個唔錯嘅選擇.
食完飯之後去咗 Twin Peak 一邊睇夜景一邊食蛋糕. 點咗4枝蠟燭 ^_^ 因為個蛋糕係心型, 所以唔想切開佢, 我地就咁用叉食.
我地嘅 4th Anniversary 就咁好sweet 咁過咗 ^_^
11/2/2007 轉彎角的故事從前某一個轉彎角上有兩個人, 佢地經常相約一起向同一個方向,同一個目的地走. 隨著時間過去, 佢地所行嘅路圬越來越窄, 越來越難行. 直至出現係佢地面前係一幅牆.
有一方覺得爬過這幅牆太難, 她辦不到. 所以她放棄了. 便選擇了另一條比較舒服和別人樂意看見她行的路. 在新的路上, 一齊從零開始. 但這條路畢竟是平坦的, 自己走下去也不困難. 或許在路上再找同伴吧.
另一方因為失去了同伴, 這條舊路再走下去也沒意義. 所以開了一條自己喜歡和可以通往理想的路.
這兩個人走在各自的路上的時候, 會稍微想念一下對方, 他們的路交集的時候, 會站在十字路口中問句好, 了解一下對方的近況. 之後, 他們又各自走在自己的路上. 畢竟他們的目的地已不一樣.
他們會懷念一起向著同一方向走的時候嗎? 或許會吧. 又或許到他們都在自己的路上走累了的時候, 會想去爬過那幅在舊路上的牆吧. 10/24/2007 我好貪心>_<我發現自己對生活質素, 錢之類嘅嘢好識得知足, 但對其他方面會好貪心, 得一想二....
明明自己已經擁有好多, 好足夠, 但仲會想要更多, 就算會傷害到身邊嘅人都阻止唔到我嘅"想"
好彩我只係"想", 毫無意外嘅話我應該唔會做, 因為承受唔起個後果.
維持現狀都唔錯呀, 唔想因為貪心而失去重要嘅嘢,
我知唔係樣樣嘢都可以貪, 有時某啲嘢要多過 1 就會變 0.
10/22/2007 被點到名字的要在自己的空間日記裏寫下自己的答案我俾芯點咗名 *_*
被點到名字的要在自己的空間日記裏寫下自己的答案,
然後去掉一個你最不喜歡的問題... 再加上一個你自己的問題,組成8個問題, 傳給其他8個人,列出其他8個需要回答問題的人的名字... 還要到這8個人的空間留言通知對方--->"你被點名了"... 被點名者不得拒絕回答問題喔~!! 這8個人要在自己的空間裏注明是從哪裡接到的, 並且按上述要求傳給其他8個人!! Q1.即使由你相戀前你已知道結局是以手分為終,你仍然會選擇與他/她在一起嗎?
會, 因為想有屬於我同對方嘅開心回憶.
Q2.你會選擇 愛你的人/你愛的人 作為結婚對象呢?
愛我的人, 因為會舒服啲
Q3.俾一個生日願望你，你會許咩願?
我想要一個平淡但開心嘅人生
Q4.俾人讚過d咩?
10/1/2007 剝咗兩隻智慧牙!星期五終於剝埋最後兩隻智慧牙, YEAH!
今次全身痳醉, 瞓醒就咩都搞掂曬 ^_^
唔使好似上次咁參與成個過程, 嚇到傻...
今次塊面都冇上次咁腫,起碼仲有下巴.
星期日仲去到 Joyce 個洗禮, 不過影啲相塊面好腫.
但唔緊要啦, 主角唔係我, 最緊要就係Joyce已經信主受浸,
衷心登佢高興 ^_^ Congratulations !!! 9/21/2007 P....K ?!事情發生係上星期嘅一個大霧嘅早上.....
當我行緊落斜坡嘅時候, 地下半乾半濕, 一唔小心就跣親.
但唔知點解一邊膝頭落地, 半跪咁跌咗係度.
好彩唔係太樣衰, 仲好似冇人見到.
但由於成個人百幾磅聚落一邊膝頭哥, 所以傷口都好深, 加上結咗焦之後又唔小心整到佢, 所以依家仲未好,沖涼傷口仲會痛.
唉...一失足成千古恨, 早知小心睇路, 依家唔使捱痛啦!
|
|
|
